NOVE colabora no aniversario polos seus mil números do Diario Nós

NOVE participa no especial do Diario Nós ofrecendo a súa visión sobre a situación da gastronomía e a hostalería desde o 2020 hasta a actualidade, coincidindo estas datas co periodo de publicación do Diario Nós.

Toda a nova aquí


NOVE colaborou co festival solidario Nos seus pés

Varios cociñeiros NOVE coma Javier Olleros - que forma parte do equipo de traballo desta iniciativa -  Roberto Filgueira xunto con Marta Fernández, Alberto Cruz e Javier González aportaron a súa axuda cociñando varias tapas para acompañar a oferta musical do festival.

Esta primeira cita do festival tivo lugar no Grove a fin de semana do 20 e 21 de outubro.


Iván Domínguez e Juan Crujeiras ofrecen un almorzo mariñeiro dentro do Festival Mar de Mares

Iván e Juan representaron a NOVE no evento “O cru e o cocido” da man de Estrella Galicia

NOVE estivo presente este pasado xoves 21 de setembro a través de Iván Domínguez e Juan Crujeiras, que ofreceron un almorzo mariñeiro na lonxa da Coruña tras coñecer todo o que alí sucede mentres moitos ainda durmen.


Daniel López e Javier Olleros entre os gañadores dos soles Repsol 2023

Daniel López e todo o seu equipo de O Camiño do Inglés (Ferrol) recibiron onte na gala dos soles Repsol, que este ano se celebrou en Alicante, o seu segundo sol Repsol.

Ademais, Javier Olleros e o seu equipo de Culler de Pau recibiron un dos catro soles sostibles que se entregaron, galardón que reivindica as propostas gastronómicas que apostan pola sostibilidade centrada na loita contra o cambio climático e o uso responsable do produto.

Con estes novos soles, NOVE acumula entre os seus integrantes 34 soles Repsol e 1 sol sostible.


NOVE participa nun capítulo do programa A Porta Aberta da Televisión de Galicia

Catro cociñeiros participaron en representación de toda a agrupación nun programa adicado a mostrar o percorrido do grupo.

Ao longo do capítulo, que se emitiu o 2 de xaneiro, Juan Crujeiras, Daniel Guzmán, Lucía Freitas e Javier Olleros charlaron sobre os inicios do grupo, os valores compartidos e os temas que máis preocupan ao grupo actualmente, así como a súa visión de futuro sobre a profesión.

A gravación levouse a cabo nas distintas estancias do restaurante Culler de Pau de Javier Olleros.

Podes ver o vídeo nesta ligazón: http://www.crtvg.es/tvg/a-carta/grupo-nove-5900223?t=1352


Nove finaliza o ano con 14 estrelas Michelín e 3 estrelas verdes

O restaurante Pepe Vieira logra a segunda estrela, convertíndose, xunto con Culler de Pau, no único restaurante con este distintivo.

Os recén chegados a NOVE, Lydia del Olmo e Xosé Magalhaes, logran para o seu restaurante Ceibe a súa primeira estrela Michelín.

Nesta última gala Michelín Galicia obtivo 3 novas estrelas. Dentro da agrupación de cociñeiras e cociñeiros obtiveron estrelas: Pepe Vieira, que conseguiu a segunda segunda estrela para Galicia, tras a de Culler de Pau e Ceibe que lograron a súa primeira estrela. Desta forma, máis da metade dos cociñeiros NOVE teñen un restaurante que conta con estrela Michelín.

O restaurante Pepe Vieira gana a súa segunda estrela Michelín, que se suma á estrela verde que gañou no 2021. A guía Michelín premia un proxecto que se fundamenta na identidade, na historia e na tradición galegas, que bebe da súa contorna, e que sorprende plasmando "A última cociña do mundo" en cada prato.

Pola súa banda, o restaurante Ceibe gana a súa primeira estrela Michelín. Un proxecto de vida que busca rememorar as antigas casas galegas nun espazo onde non existen barreiras entre a cociña e a sala e coa contorna sempre presente a través dos seus pratos.


Novas incorporacións de Nove

A agrupación de cociñeiros galegos suma así 28 membros, entre os cales figuran 12 restaurantes con estrela Michelín, 31 soles Repsol e 3 estrelas verdes.

Os cociñeiros e cociñeiras Nove decidiron incorporar ao grupo a Lydia del Olmo, Xosé Magalhaes, Alberto Cruz e Miguel González sendo fieis a un dos seus principios: apoiar as persoas que están no camiño da excelencia na hostelería en Galicia.

Os novos membros únense a Nove orgullosos e motivados por comezar a pertencer a unha agrupación gastronómica que é un referente en Galicia e que amosa a nivel internacional a cociña da terra.

Lydia del Olmo e Xosé Magalhaes entran en Nove da man de Ceibe, restaurante ourensán onde Lydia e Xosé levan a cabo o seu proxecto de vida nun espazo no que non hai barreiras, un lugar onde a sala e a cociña fúndense lembrando aos antigos fogares galegos onde as cociñas eran o núcleo de todo. Para Lydia entrar en NOVE supón “un orgullo por tratarse dun grupo con tanta historia e que fai tanto por Galicia. Eles e elas son os piares de todos os que vimos detrás. Asumo con ganas a responsabilidade de intentar sumar para levar a cabo novas iniciativas e seguir apostando por Galicia e por dar valor ao noso”. Para Xosé a satisfacción é enorme “ e a alegría é dobre xa que estudiamos seguindo todo os seu traballo e ademáis nos formamos nas casas de varios deles. Tamén o sinto como unha responsabilidade sana, unha responsabilidade de estar á altura e defender os valores do grupo que son valores que xa compartimos desde a nosa casa”

A de Alberto Cruz é unha aposta polo rural, pola natureza, polas cores do mar, a terra e o ceo que se reflicten nos seus pratos. Landua é un restaurante situado en Mazaricos, preto da fervenza de Ézaro e onde o ritmo o marcan as estacións xa que o menú se plantexa cada tempada en función dos produtos que atopan na lonxa e na súa contorna. Alberto ve a súa entrada en NOVE coma unha oportunidade “para nós que somos un restaurante pequeno. É importante darlle visibilidade ao rural. Estamos moi agradecidos”

O restaurante de Miguel González, que conta cunha estrela Michelín, recibe aos comensais en O Pereiro do Aguiar, unha pequena aldea de Ourense, rodeados de natureza e calma. Nos seus pratos, que cambian cada día en función da materia prima que teñan os seus produtores de confianza, os visitantes atoparán unha cociña de recordos, de sensacións e de técnica. A ilusión nótase nas palabras de Miguel ao falar da súa incorporación a NOVE “sempre me gustou o traballo de NOVE e compartín momentos con eles. Para min sempre foi un soño e unha ilusión poder formar parte do grupo e agora chegou. Síntome moi agradecido polo apoio e quero darlles as grazas por querer contar comigo”

Estes catro novos membros pasan a formar parte de Nove xunto con Lucía Freitas, Pepe Vieira, Rafa Centeno, Iván Domínguez, María Varela, Pepe Solla, Iñaki Bretal, Héctor López, Javier Olleros, Beatriz Sotelo, Daniel Guzmán, Julio Sotomayor, Manuel Costiña, Daniel López, Antonio Botana, Yayo Daporta, Roberto Filgueira, Juan Crujeiras, Alberto G. Prelcic, Álvaro Villasante, Miguel A. Campos, Javier González, Javier Rodríguez “Taky” e Caco Agrasar.


NOVE participou nun diálogo entre colectivos dentro do Galicia Forum Gastronómico

 

O pasado martes 27 de setembro, NOVE, representado polo seu presidente Daniel Guzmán, participou nun diálogo no que tamén estiveron presentes os representantes dos distintos colectivos: Javier Freijeiro de Coruña Cociña, Gerson Iglesias de Ourense Cociña, Bruno Pena de Cociñeiros Lugo e Raquel Suarez de Vigo Gastronómico.

A cita tivo lugar ás 18 horas no auditorio do forum e puideron compartirse temas como os horarios, a conciliación do persoal, a subida dos prezos nas materias primas, os produtores locais e debatir en torno ao papel dos colectivos dentro da gastronomía ou a situación actual da hostalería galega.

Ao finalizar a charla todos os integrantes dos distintos colectivos que estaban presentes no forum fixeron unha foto grupal como símbolo desa unión entre colectivos que impregnou todo o faladoiro.


Charla NOVE en torno ao mar, a sostibilidade e a gastronomía dentro do Festival Mar de Mares

 

O pasado domingo ás 19 horas celebrouse na carpa instalada por Estrella Galicia no Festival Mar de Mares (A Coruña) unha charla sobre impacto positivo como peche ao festival.

Miguel A. Campos, Antonio Botana e Manuel Costiña falaron sobre como debe ser o impacto positivo da gastronomía para coidar os nosos mares. Que hábitos podemos levar a cabo desde as nosas cociñas, como aproveitar os descartes do peixe ou como retomar a economía circular, son algúns dos temas que os tres cociñeiros NOVE compartiron cos asistentes.


Cociñeiros NOVE participan nun encontro organizado por Estrella Galicia para analizar os retos dunha hostalería que xere un impacto positivo real

 

Estrella Galicia organizou o luns 13 de xuño en Vigo un evento no que catro cociñeiros NOVE compartiron os seus compromisos e boas prácticas para facer os seus negocios máis sostibles con outros hostaleiros galegos.

Pepe Solla, Julio Sotomayor, Pepe Vieira e Álvaro Villasante impartiron unha serie de charlas para dar a coñcer os seus procesos e recursos máis responsables abordando temáticas diversas desde a súa experiencia persoal e profesional. Así, Pepe Solla impartiu unha charla titulada “Hostalería eficiente”; Julio Sotomayor, “Apoiando a orixe”; Pepe Vieira, “A horta ecolóxica”; e Álvaro Villasante, “Reciclar, reutilizar, reducir”.

“Poñer o forno e compatibilizar diferentes coccións á vez. Non desperdiciar auga coma senon houbera un mañá...Os cociñeiros moitas veces somos impulsivos ou pasionais e deberíamos pararnos, mirar desde arriba e analizar o que está a suceder”, reflexionou Julio Sotomayor, do restaurante ourensano Nova.

Pola súa parte, Pepe Vieira, chef do Restaurante Pepe Vieira de Pontevedra, destacou que “saír á rúa e comer algo que están facendo no momento, coma o polvo á feira, é algo imbatible. Ocorre o mesmo coa horta e a posibilidade de ter produtos que non pasan pola cámara frigorífica, os produtos manteñen o seu verdadeiro sabor”.

O obxectivo das intervencións era compartir con diversos hostaleiros galegos a súa experiencia para fomentar unha hostalería sostible, impactar positivamente na comunidade local e protexer a biodiversidade da contorna.

Ás charlas seguíronlle catro mesas redondas, unha por tema, nas que cada cociñeiro NOVE reuniuse con dez hostaleiros para debatir sobre a situación actual e obter conclusións.