VI Concurso de Cociña “En ASPACE cociñamos xuntos”

Federación ASPACE-Galicia é unha entidade sen ánimo de lucro, que ten como misión favorecer a coordinación e a cooperación entre as asociacións de paralise cerebral e outras entidades, de forma que coa suma da unión e a forza das mesmas, se logre a igualdade de oportunidades das persoas con paralise cerebral.

Unha das accións que levan a cabo é o seu VI Concurso de Cociña “En ASPACE cociñamos xuntos”, que este ano celebrou a súa final no Mercado de Abastos de Lugo e no cal sete equipos integrados por participantes con parálise cerebral de ASPACE Coruña, Amencer, APAMP e Aspace Lugo acompañados dun familiar ou profesional da súa entidade prepararon as súas receitas centrándose nunha tapa de polo.

Varios cociñeiros NOVE colaboraron con ASPACE formando parte do xurado tanto nas distintas semifinais como na final e axudaron a escoller como ganadores a María del Carmen e Lidia de Amencer ASPACE coa súa receita texturizada “Curri ao polo”; e Jorge, Begoña e Marta coa súa receita en formato tradicional “O mellor polo frito do mundo” de ASPACE-Coruña.

Ademais, NOVE tamén colaborou ofrecendo como premio a cada un dos gañadores unha comida ou cea a desfrutar nun dos restaurantes NOVE.

Os primeiros en desfrutar do premio foron Begoña, Jorge e Marta que foron a comer ao restaurante NaDo de Iván Domínguez.

Máis info: aspacegalicia.org