Despois de cursar estudos de hostalería en Santiago e tras pasar por algunhas cociñas de toda España, Yayo abre o seu restaurante en 2005 – xunto coa súa irmá Esther, metre e sumiller do restaurante – na súa casa familiar.
Desde un principio centran a súa proposta no que o seu pobo lles ofrece, como os peixes de baixura e mariscos que cultivan nas bateas da súa familia, os produtos das súas hortas ou os viños da súa bodega, dotando ao restaurante de identidade a través da súa orixe, Cambados.
En 2008 chega o primeiro recoñecemento, unha estrela Michelín. O seu restaurante tamén desfruta de dous soles Repsol desde o 2015. Ademais, Yayo representou a gastronomía galega no programa Top Chef, exercendo de xurado xunto con Alberto Chicote e Susi Díaz.
A cociña de Yayo é unha cociña galega actualizada centrada nos produtos e na identidade da súa contorna.
Cal é a túa aposta en NOVE? Contribuir ao recoñecemento da cociña galega para ser o faro da cociña atlántica.
Define a túa cociña nunha frase Cociño a miña contorna para que o cliente saiba onde está a través dos meus pratos.
