Co seu pai como gran referente, comeza a estudar na escola de hostalería Lamas de Abade en Santiago de Compostela e posteriormente fai prácticas nas cociñas de Casa Solla, con Toñi Vicente, con Arola en La Broche (Madrid), con Martín Berasategui, en Bica do Sapato (Lisboa), Balzac (Madrid), Zallo Barri (Gernika) e no mundo de Seiji Yamamoto (Tokio). Actualmente lidera xunto con Amaranta Rodríguez, Culler de Pau en O Grove, a súa vila, onde sinte as súas raíces e onde ten sentido o seu traballo. Un traballo que ademais se nutre de toda a labor de investigación que leva a cabo en proxectos nos que colabora con outros produtores ou organismos como o CSIC.
Javier Olleros practica unha cociña de proximidade, pero de forma natural, sen fundamentalismos. Con raíces, produtos da contorna e influencias do mundo. A súa proposta é moi intuitiva, froito da reflexión e do coñecemento, pero que se nutre do que sente, da súa bagaxe, influencias e gustos.
A destacar:
– Concesión da Medalla Castelao pola Xunta de Galicia (Máximo recoñecemento da CCAA) 2022
– Premio FP Empresa na categoría de premio á empresa comprometida coa FP. 2023
– Nominación de Javier Olleros a The Best Chef of the World, a lista dos 100 mellores cociñeiros do mundo. 2023
Outros proxectos:
– Proxecto solidario Nos seus pés
– Proxecto Biomisión
– Obradoiros de sensibilización e equilibrio alimentario en escolas
– Proxectos en colaboración co CSIC de recuperación de distintas variedades de millo e avea galega
Cal é a túa aposta en NOVE? Por a Galicia a través da gastronomía no lugar que merece. Cociñala, defendela e promocionala.
Define a túa cociña nunha frase Unha compañeira da natureza, os seus ritmos, os seus caprichos e toda esa frescura e inmediatez que nos da.
