Restaurante As Garzas

As Garzas atópase nun emprazamento espectacular, en Barizo, Malpica, en plena Costa da Morte e cuns enormes ventanais rodeados de mar. Un mar que tamén inunda os seus pratos elaborados principalmente a base de peixes e verduras, unha mestura de mar e horta que recupera sabores da tradición mariñeira pero cunha posta ao día en canto a coccións e presentacións. Unha cociña que se convertiu nun referente da cociña da Costa da Morte.

A experiencia en As Garzas complétase con catro habitacións que se ofrecen na parte superior do establecemento.