Merluza, muselina de allo, pataca de Galicia IXP e grelos IXP

Beatriz Sotelo

Elaboración

Muselina de allo

  • Triturar os dentes de allo pelados coa nata.
  • Mesturar coa maionesa ata obter unha crema homoxénea.
  • Reservar en frío.

Elaboración e montaxe

  • Pelar e cortar a pataca en láminas finas duns 0,5 cm.
  • Fritir en abundante aceite de oliva, salar e reservar.
  • Escorrer os grelos cocidos.
  • Nunha bandexa de forno, dispor unha capa de pataca frita.
  • Engadir os grelos e, enriba, a merluza racionada.
  • Salar e cubrir coa muselina de allo.
  • Fornear a 200 ºC durante 7 minutos.
  • Empratar e servir.
descargar receita

Ingredientes (4 persoas)

Para a muselina
500 g de maionesa
150 ml de nata
2 dentes de allo

 

Para o prato
2 lombos de merluza (600 g aprox. cada un)
300 g de grelos IXP cocidos
250 g de pataca de Galicia IXP (variedade Kennebec)