Restaurante A Parada das Bestas

A Parada das Bestas é un restaurante rural, ubicado nunha antiga casa de labranza do século XVIII, no lugar de Pidre. Transmite serenidade e calma e fomenta o contacto coa natureza.

Na cociña sírvense das mellores materias primas de cada tempada, das verduras e hortalizas da súa horta ecolóxica e dos pequenos produtores da zona para poñer sobre a mesa unha cociña honesta e de kilómetro cero, fomentando o traballo en rede e seguindo criterios de calidade e sostibilidade.

Ademais, son criadores de galo de Mos e cociñan moito con queixo de Arzúa Ulloa, produto da zona.