Preparación do lacón e dos grelos

• Poñer o lacón a desalar durante aproximadamente 30 horas antes da súa cocción.
• Cocer o lacón en abundante auga durante unhas 2 horas ata que estea tenro.
• Retirar, deixar arrefriar e picar finamente.
• Nos últimos 20 minutos de cocción, engadir os grelos.
• Arrefriar, picar finamente e reservar.

Masa wonton

• Cocer a masa wonton en abundante auga con sal e un pouco de aceite durante 5 minutos.
• Arrefriar e estirar sobre filme transparente. Reservar.

Recheo e salsa

• Elaborar unha bechamel partindo dun roux de manteiga e fariña.
• Incorporar o leite pouco a pouco, removendo cunha varilla ata obter a textura desexada.
• Salpementar e engadir noz moscada.
• Mesturar co lacón e os grelos picados.
• Arrefriar e introducir nunha manga pasteleira.
• Para a salsa, repetir o proceso, obtendo unha textura máis lixeira para napar.

• Rechear as láminas de wonton coa mestura.
• Formar os canelóns e napar coa salsa.
• Quentar no forno.
• Empratar e rematar con brotes de allo e cebola frita crocante.