Elaboración das fabas

• Poñer as fabas a remollo durante 18–24 horas ata que estean ben hidratadas.
• Escorrelas e poñelas nunha pota con auga fría xunto coa cebola enteira, o unto e o loureiro.
• Cocer a lume moi suave mantendo apenas un lixeiro fervor ata que as fabas estean tenras (aprox. 45 minutos).
• Durante a cocción, mecer a pota con suavidade en lugar de remexer cunha culler para evitar que a legume rompa.

Elaboración dos mexillóns e a salsa verde

• Abrir os mexillóns nunha pota coa copa de viño branco.
• Retirar a carne das cunchas e reservar.
• Coar e gardar o líquido da cocción.
• Nunha tixola, dourar o allo no aceite de oliva.
• Engadir o líquido dos mexillóns e incorporar as algas picadas e o perexil.
• Engadir tamén a cebola cocida coas fabas e triturar todo ata obter unha salsa verde fina.

Finalización do guiso

• Engadir a salsa verde á pota das fabas.
• Cocer todo xunto durante 5 minutos máis, mecendo suavemente para que o guiso quede ben ligado.

• No momento de servir, incorporar ao guiso as carnes dos mexillóns.
• Rectificar de sal se fose necesario.
• Rematar cun pouco máis de algas picadas e servir ben quente.